*حسين باجي الغزي.
اليوم اكتب بالشعبي لان هذا الحجيي مو مال تنظير مال گعده ديوان وجاي مخخدر. بعد الفطور
🔴 ترامب حاول يلعبها بالقوة ويفتح مضيق هرمز غصب، فقامت إيران ضربت حاملة الطائرات أبراهام لينكولن!
شنو اللي صار باختصار؟
🔴 مثل ما معروف، مضيق هرمز هسه مسدود تقريبًا بالكامل، والبحرية الإيرانية فارضة عليه حظر مرور. أي سفينة أو ناقلة نفط تحاول تعبر تتعرض للضرب… وهذا الشي سوا أزمة اقتصادية كبيرة بالعالم، لأن النفط والغاز اللي يطلع من الخليج العربي متعطل. وفعلاً أسعار النفط صعدت ووصلت تقريبًا لـ 85 دولار ولسه دا تصعد.
بسبب هذا الإغلاق، هواي دول بدت تقلل أو توقف تصدير النفط والمشتقات حتى تحافظ على إنتاجها للاستهلاك المحلي. من بينهم الصين اللي وقفت تصدير الديزل والبنزين اليوم حسب وكالة بلومبرغ، وياها الهند واليابان وإندونيسيا ودول ثانية بشرق آسيا. وهذا الشي ممكن يسوي هزة اقتصادية كبيرة ويرفع أسعار السلع، خصوصًا بأوروبا اللي أصلاً تعاني من أزمة طاقة.
🔴️ منو استغل هالوضع وضغط على الأوروبيين؟
الرئيس الروسي فلاديمير بوتين. طلع وقال إنه اافكر يوقف تصدير الغاز لأوروبا ويدور أسواق جديدة. وا أكو أخبار تقول إن الموضوع فعلاً انطرح للنقاش داخل الحكومة الروسية.
بوتين يريد يضغط على أوروبا حتى تخفف دعمها لأوكرانيا، خصوصًا أن أوروبا هسه خايفة لأن إمدادات الغاز صارت مهددة. لا غاز من روسيا، ولا حتى من قطر اللي أعلنت حالة القوة القاهرة ووقفت صادرات الغاز.
🔴️ الأوروبيين راح يضغطون على منو؟
ماكو غير ترامب… اللي دا يطلع بالإعلام ومورّط الدنيا. يعني كأنه يكولوله: يا ترامب، حل موضوع إيران اللي ورطتنا بيه بدون ما تاخذ رأينا، لأن القضية وصلت لمرحلة خطيرة.
🔴 ترامب حاول يضغط على شركات الشحن حتى تمر من المضيق، ووعدهم إن السفن الأمريكية راح ترافقهم وتحميهم، وحتى تعهد إن الحكومة الأمريكية تدفع تعويضات لأي سفينة تتضرر، لأن شركات التأمين كلها لغت التأمين بهيك منطقة خطرة.
بس شركات الشحن مو ساذجة… يعني شلون نثق بوعد إذا المخاطرة بهالقدر كبيرة؟
🔴 وحتى لو فرضنا السفن عبرت وانضربت وغرقت، والحكومة الأمريكية دفعت التعويض… منو يعوض خسارة السفن نفسها؟ لأن بناء سفينة جديدة ممكن يكلف مئات الملايين ويحتاج سنين.
لهذا ترامب قرر يلعبها بالقوة وقال: نفتح المضيق غصب.
.🔴 وبالفعل، حسب الإعلام الغربي، القوات الأمريكية… أغرقت كم زورق وكم قطعة بحرية إيرانية. وبعدها حاولوا يرسلون حاملة الطائرات الضخمة “أبراهام لينكولن” حتى تعبر المضيق وتفرض السيطرة.
لكن هنا صارت المفاجأة!
🔴 حسب تصريحات متحدث مقر خاتم الأنبياء المركزي لوكالة الميادين، الحاملة اقتربت لمسافة حوالي 340 كيلومتر من المياه الإيرانية بهدف السيطرة على المضيق. لكن إيران أطلقت عليها مسيّرات انتحارية (غالبًا من نوع شاهد-136)، وقالوا إنها أصابت الحاملة إصابات مباشرة وأجبرتها تنسحب وتتراجع لأكثر من 1000 كيلومتر.
يعني باختصار:
افتر وارجع… مضيق هرمز بعده مسدود إلى إشعار آخر.
وسلامتكم.
إرسال تعليق